PTOM

PTOM (Personalized Teaching to Overcome Marginalization) គឺជាវិធីបង្រៀននិងរៀនដោយប្រើបច្ចេកវិទ្យាសម្រាប់ការអប់រំដើម្បីអភិវឌ្ឍមូលដ្ឋានគ្រឹះនៃបំណិនអក្ខរកម្មអំណាន និងលេខ។ ការប្រើបច្ចេកវិទ្យាតាមរយៈថ្នាលបឋម PLP លោកគ្រូអ្នកគ្រូអាចដាក់កិច្ចការឱ្យសិស្សធ្វើគ្រប់ពេលវេលា និងគ្រប់ទីកន្លែង។ លោកគ្រូអាចតាមដានសិស្សបានយ៉ាងដិតដល់ ដូចជា ចំនួនសកម្មភាពសិក្សា រយៈពេលសិក្សា និងលទ្ធផលសិក្សានៃមេរៀននីមួយៗ។ ព័ត៌មានទាំងនេះនឹងជួយគ្រូបង្រៀនរៀបចំផែនការបង្រៀនកាន់តែឆ្លើយតបទៅនឹងតម្រូវការសិក្សារបស់សិស្សម្នាក់ៗ ដោយមិនគិតអាយុ និងកម្រិតថ្នាក់របស់សិស្សនោះទេ។ សិស្សថ្នាក់ទី៣, ៤, ៥, និងទី៦ ដែលមានបញ្ហាអក្ខរកម្មអំណាន និងលេខ អាចរំឭកបំណិនទាំងនេះឡើងវិញក្នុងរយៈពេលខ្លីដើម្បីអភិវឌ្ឍសមត្ថភាពស្របតាមកម្រិតថ្នាក់ដែលខ្លួនកំពុងសិក្សា។ ការអនុវត្តកម្មវិធី PTOM នឹងធានាវិសាលភាពនៃការអនុវត្តទូលំទូលាយទូទាំងប្រទេស និងប្រកបដោយនិរន្តរភាពតាមរយៈថ្នាលបឋម PLP។